“ERRE ZIRENEI ESKER SALBATU ZIREN?”
Santiago Leoné Puncel | Urtarrila, 2010
Nonbait norbaiti (Carlos Fuentesi, oker ez banago) irakurria diot muga oro orbain dela, lurrean egindako zauriondoko. Nire esperientzian, ordea, kontrakoa da egia (baina esaldi borobilek hori dute txarra, politak izanagatik anitzetan ez direla egunerokoan erabilgarri), orbain bat baita muga nire bizitzan. Orbain bat, hain juxtu ere, gure haurraren sabela mutur batetik bertzera inguratzen duena, urtea bete gabe egin behar izan zioten ebakuntza baten ondoriozko arrastoa. Umea onik atera zen, onik…
