Xabier Mendiguren ElizegiitxiXabier Mendiguren Elizegi
Izena: Xabier Mendiguren Elizegi Donostia, 1964.
Beasainen bizi izan da txiki-txikitatik. Euskal Filologian (EHU) lizentziatu zen Gasteizen eta Filologia Hispanikoan (UNED) ere lizentziatua da.
Editorea da lanbidez, 80. hamarkadaren amaiera Elkar argitaletxean lanean hasi zenetik: gazte nahiz helduentzako literatur arduradun lanetan dihardu.
Literatur generoei dagokienez, denetatik landu du: haur nahiz gazteentzako ipuingintza, helduentzako ipuinak, nobelagintza edo antzerkia. 90. hamarkadatik hona ez du antzerkigintza jorratu.
Literatur sari ugari jaso izan ditu bere sorkuntza ibilbidean: II. Telesforo Monzon saria Kanpotarrak maisu antzerki lanarekin; honez gainera, Lizardi , Toribio Altzaga, Bizenta Mogel, Tene Mugika, Donostia Hiria edo Pedro Inazio Barrutia sariak eskuratu ditu.
Bekatuaren itzala argitaratu zuen lehen eleberria izan zen. Lan honetan, apaiz batek idatzitako gutunek bi emakumerekin zituen hartu-eman mingarriak islatzen zituzten. Jon Kortazar kritikariaren iritzian, (Euskal Literatura XX. Mendean) Mendigurenen idazkeran elkarrizketen bizitasuna nabarmentzen da, antzerkigintzaren ohiartzun.
Arbelaren gainean bere azken nobelari buruzko iruzkinean, Javier Rojok Mendigurenen azken lanetan oroitzapenek duten indarra azpimarratzen du. Eleberrigintza autobiografikoaren bidea ireki zuen 1998. urtean Gure barrioa 1975 eleberriarekin.Eleberrigintzaz gainera, haur eta gazte literatura ere jorratu izan du oparo: Tangoak ez du amaierarik, Harrika edota Eztitxuk pirata izan nahi du dira, besteak beste, literatur mota honen ereduak. Zenbait liburu argitaratu ditu Joxeme pertsonaia protagonista nagusia dela (ikus. bibliografia atalean). Xabier Etxaniz idazlearen esanetan, "fantasia eta ironia erabiltzen ditu era atseginean giza arazoei aurre hartzeko".Idatzitako Artikulu Guztiak (1) | Abendua, 2008
Duela zenbait aste, konpainia onean, euskaldunik baizen ez zen afarian nengoela, ekarri zuen solasak, izan zen perpausa, ea gaur egungo emaztekiek, hanketako eta besapeetako biloak oro moztu eta erauztearekin batean, sabelpeko ileak ere arras kentzen dituztenetz, nola ikusten baita aldizkari eta filmetan, ala beren naturaltasunean hazten uzten ote dituzten, nola izan baita betidanik naturaren legea eta oraintsu arte gure gizarteko usadioa.
Fisioterapeuta bati egina zegoen galdera, zeinak arestian kontatua baitzuen nola…
